"Liverpul"un 16 yaşlı xilaskarı tarixə düşə bilmədi: 1 gün fərqlə

"Liverpul"un 16 yaşlı futbolçusu Rio Nqumoa Premyer Liqa tarixində qalibiyyət qolunun müəllifi olan ən gənc ikinci oyunçu olub.

Publika.az xəbər verir ki, o, ikinci turun "Nyukasl"a qarşı matçında (3:2) fərqlənib. Hesab 2:2 olduğu vaxt əlavə olunmuş 6-cı dəqiqədə Kodi Qakponu əvəz edən Nqumoa cəmi 4 dəqiqə sonra Nik Poupun qapısına yol taparaq komandasına üç xal qazandırıb.

"Opta"nın məlumatına görə, 16 yaş 361 günlük olan ingilis futbolçu əfsanəvi həmyerlisi Ueyn Runinin rekordunu təkrarlaya bilməyib. Runi 2002-ci ildə "Everton" formasında "Arsenal"a vurduğu qolla Premyer Liqada ən gənc qalibiyyət qolunun müəllifi olub. Nqumoa isə bu uğura nail olarkək Runidən cəmi bir gün böyük olub.

• Futbol
• Liverpul
• Premyer Liqa
• Nyukasl
• Qalibiyyət
• Rio Nqumoa