“Bu dəhşətli ölümlər, tibb işçiləri və jurnalistlərin amansız münaqişə şəraitində həyati vəzifələrini yerinə yetirərkən üzləşdikləri böyük riskləri açıq şəkildə nümayiş etdirir”. Onun sözlərinə görə, Quterreş bir daha vurğulayıb ki, mülki şəxslər, tibb işçiləri və jurnalistlər hər zaman hörmətlə qarşılanmalı və qorunmalıdır:
“Baş katib bu ölümlərin dərhal və qərəzsiz şəkildə araşdırılmasına çağırır. O, tibb işçiləri və jurnalistlərin beynəlxalq humanitar hüquqa uyğun olaraq, təhdid və ya müdaxilə olmadan öz əsas vəzifələrini icra etməli olduqlarını xatırladır”.
Düjarrik əlavə edib ki, Baş katib həmçinin Qəzzada təcili və daimi atəşkəsin elan edilməsini, bölgəyə məhdudiyyətsiz humanitar yardımın çatdırılmasını və saxlanılan bütün girovların dərhal, şərtsiz azad olunmasını tələb edir.
