Almaniyanın “Bayer” klubu heyətini yeni futbolçu ilə gücləndirib.
90deqiqe.Az klubun rəsmi saytına istinadən xəbər verir ki, Leverkuzən təmsilçisi 34 yaşlı ispaniyalı müdafiəçi Lukas Vaskeslə müqavilə imzalayıb. Sözləşmənin müddəti 2027-ci ilə qədər nəzərdə tutulub.
“Real Madrid” akademiyasının yetirməsi olan Vaskes peşəkar karyerasının böyük hissəsini məhz Madrid klubunda keçirib. O, “kral klubu”nun əsas komandasında 402 oyunda meydana çıxıb, 38 qola imza atıb və 73 məhsuldar ötürmə ilə yadda qalıb.
Təcrübəli futbolçu “Real Madrid”in heyətində beş dəfə UEFA Çempionlar Liqasının qalibi olub. Transfermarkt portalının məlumatına görə, hazırda onun bazar dəyəri 3 milyon avro təşkil edir.
