Bizim media saytından verilən məlumata əsasən, ain.az məlumatı açıqlayır.
“Qarabağ” növbəti tarixi oyun ərəfəsindədir. Ağdam təmsilçisi Çempionlar Liqasının play-off mərhələsinin cavab oyununda öz meydanında Macarıstanın “Ferentsvaroş” klubu ilə qarşılaşacaq. Qurban Qurbanovun yetirmələri ilk qarşılaşmada səfərdə rəqibi üzərində 3-1 hesablı inamlı qələbə qazanmışdı. Məhz bu qələbəyə görə çoxları artıq “Qarabağ”ın Çempionlar Liqasının əsas mərhələsinə vəsiqəni təmin etdiyini düşünür. Ancaq komandamız hələ ki, işin yarısını görüb.Bakıdakı oyun ilk qarşılaşmadan da çətin olacaq.Elə Bizim.Media-ya açıqlama verən futbol eksperti Ceyhun Sultanov da belə düşünür:“Oyun haqqında çox da danışmaq olmur. Çünki 3-1 hesabı samballı olsa da, təkrar qarşılaşma üçün rahatlanmağa əsas vermir. Bu nə ilk mərhələdi, nə də “Ferentsvaroş” sıradan bir rəqib. “Qarabağ”ı Bakıda daha çətin sınaq gözləyir.Komanda gərək əlinə düşən imkanlardan lazımınca istifadə etsin. Yoxsa çətinliklə qarşılaşa bilər. Bu mərhələdə zəif rəqib olmur və “Qarabağ” da yəqin görüşə çox ciddi hazırlaşıb. Komandamıza inam böyükdür. Fikrimcə, “Qarabağ” rəqibini keçəcək. Amma bunun üçün ilk növbədə çox diqqətli oynamalı və rəqibə şans verməməliyik. Öz imkanlarımızdan da istifadə etməliyik. Bunlar olarsa, “Ferentsvaroş” “Qarabağ”a qarşı heç nə edə bilməyəcək”.Milli komandamızın keçmiş üzvü Mahmud Qurbanov da “Ferentsvaroş”un Bakıdaya iddialı gəldiyini və bu səbəbdən oyunun çox çətin keçəcəyini düşünür:“İlk oyundan sonra Macarıstan klubunun futbolçuları və məşqçilərinin iddialı açıqlamaları onu göstərir ki, oyun çox çətin keçəcək və aqressiv futbol izləyəcəyik. Hətta ciddi kobudluqlar da ola bilər. Yəni asan oyun olmayacaq. Düzdür, 3-1 hesablı qələbədən sonra “Qarabağ” Çempionlar Liqasının bir addımlığındadır.Düşünürəm ki, komanda səfərdə olduğu kimi yenə də soyuqqanlı oynayacaq. Həm topa, həm də meydançaya nəzarəti əlində saxlayacaq. “Qarabağ”ın Çempionlar Liqasının əsas mərhələsinə düşmək üçün gücü və əzmi var. Bunu komandanın oyunu və ilk görüşdəki də qələbəsi də sübut edir”.Milli komandamızın keçmiş baş məşqçisi Arif Əsədov isə hesab edir ki, “Qarabağ” mərhələnin favoriti olsa da, rəqibə aşağıdan yuxarı baxmamalıdır:
“İlk oyunda sonra “Qarabağ” çox yaxşı nəticə əldə edib. Ancaq rəqibə qarşı saymamazlıq etmək olmaz. Çünki “Ferentsvaroş” Macarıstandakı qarşılaşmanın ilk hissəsindəki oyunu ilə göstərdi ki, ciddi rəqibdir.
Amma “Qarabağ” oyun baxımından təbii ki, rəqibdən üstündür. Sadəcə olaraq bu oyuna ilk dəqiqələrdən ciddi yanaşmaq və ölkəmizi növbəti dəfə Çempionlar Liqasında təmsil etmək çox vacibdir. Uğurlar arzulayıram və hesab edirəm ki, “Qarabağ” öz ənənəvi oyununu göstərib və azarkeş dəstəyindən də istifadə edərək istədiyi nəticəni qazanacaq”.Qeyd edək ki, "Qarabağ" - "Ferentsvaroş" matçı avqustun 27-də, saat 20:45-də start götürəcək.Rəşad Rafiqoğlu, Bizim.Media
Ən son xəbərləri və yenilikləri almaq üçün ain.az saytını izləyin.
