Dövlət Sosial Müdafiə Fondu (DSMF) sosial ödənişlər almaq istəyən şəxslərə müraciət edib.
Turkustan.az "PostMedia"ya istinadən xəbər verir ki, qurum şəxsiyyət vəsiqəsinin müddəti bitən şəxslərə sosial ödənişlər verilməyəcəyini açıqlayıb.
Açıqlamaya görə, Dövlət Sosial Müdafiə Fondunun sosial ödənişləri vətəndaşlara münasibətdə şəxsiyyət vəsiqəsi məlumatlarına bağlıdır. Buna görə də qüvvədə olan şəxsiyyət vəsiqəsi olmasa, ödənişlərin sistem üzərindən həyata keçirilməsi mümkün deyil.
Buna görə də şəxsiyyət vəsiqəsi hər hansı səbəbdən qüvvədən düşmüş vətəndaşlar məsələ ilə bağlı aidiyyəti qurumlara müraciət edib, yeni qüvvədə olan şəxsiyyət vəsiqəsi almalıdır ki, sosial ödənişlərinin davam etdirilməsi mümkün olsun.
