Mütəxəssislərin açıqlamasına görə, pişiklərdə şirin dadın hiss olunmaması genetik mutasiya ilə bağlıdır.
ONN media xəbər verir ki, insanlarda şirinliyi hiss etmək üçün Tas1r2 və Tas1r3 zülalları tələb olunur ki, beyin bunu enerji mənbəyi kimi qəbul etsin. Pişiklərdə isə bu mexanizm "zədələnib".
Xüsusilə Tas1r2 geni, şirin dadın reseptorlarının yarısını təşkil edir, pişiklərdə və onların vəhşi qohumlarında – pələng və şirlərdə – bu gen uzun zaman əvvəl funksiyasını itirib.
Ekspertlər bildirir ki, bu evolyusiya prosesi ilə bağlıdır: pişiklərin əsas qidası həmişə ət olub və ətdə qlükoza və fruktoza olmadığından şirinliyi tanımaq vacib olmayıb. Nəticədə pişiklər şirin dadı heç vaxt hiss etməyiblər.
