BAKI, 27 avqust. TELEQRAF
Fransa milli komandasının DÇ-2026-nın seçmə mərhələsinin Ukrayna və İslandiya ilə oyunları üçün heyəti müəyyənləşib.
Teleqraf xəbər verir ki, "xoruzlar"ın baş məşqçisi Didye Deşam yığmaya 23 futbolçu dəvət edib.
Qapıçılar: Lyuka Şevalye (PSJ, Fransa), Mayk Menyan ("Milan", İtaliya), Bris Samba ("Renn", Fransa)
Müdafiəçilər: Lyuka Din ("Aston Villa", İngiltərə), Malo Qüsto ("Çelsi", İngiltərə), Lyuka Ernandes (PSJ), Teo Ernandes ("Əl-Hilal", Səudiyyə Ərəbistanı), İbrahima Konate ("Liverpul", İngiltərə), Jül Kunde ("Barselona", İspaniya), Vilyam Saliba ("Arsenal", İngiltərə), Dayo Upamekano ("Bavariya", Almaniya).
Yarımmüdafiəçilər:Dezire Due (PSJ), Manu Kone ("Roma", İtaliya), Adriyen Rabyo ("Marsel", Fransa), Orelyen Tçuameni ("Real Madrid", İspaniya), Kefren Türam ("Yuventus", İtaliya).
Hücumçular: Maneş Akliuş ("Monako", Fransa), Bredli Barkola, Usman Dembele (hər ikisi PSJ), Rayan Şerki ("Mançester Siti", İngiltərə), Killian Mbappe ("Real Madrid", İspaniya), Maykl Olise ("Bavariya"), Markus Türam ("İnter", İtaliya).
Qeyd edək ki, Fransa millisi sentyabrın 5-də səfərdə Ukrayna ilə, sentyabrın 9-da isə paytaxt Parisdə İslandiya seçməsini qəbul edəcək. Bu komandaların qrupunda Azərbaycan yığması da mübarizə aparır. Millimiz fransızlarla oktyabr 10-da üz-üzə gələcək.
