"Avrasiya İqtisadi İttifaqı (Aİİ) və Avropa İttifaqına eyni vaxtda üzvlük mümkün deyil, ona görə də İrəvan zamanla "uyğun qərar" verəcək".
Sitat.info-nun "İnterfaks"a istinadən verdiyi xəbərə görə, bunu Ermənistanın baş naziri Nikol Paşinyan keçirdiyi brifinqdə deyib.
"Biz başa düşürük ki, Aİ və Aİİ-yə eyni vaxtda üzvlük mümkün deyil. Seçimin qaçınılmazlığı anı gəldiyi zaman biz müvafiq qərar qəbul edəcəyik", - deyə o bildirib.
Onun sözlərinə görə, istənilən ssenari mümkündür.
"Hər şey xalqımızın iradəsindən, vəziyyətin təhlilindən, perspektivlərdən və danışıqların nəticələrindən asılıdır", - deyə Paşinyan qeyd edib.
