AZ
Mövzular
Siyasət
28.08.2025 ◦ 14:04

Türkiyə və Ukrayna təhlükəsizlik məsələlərini müzakirə edib - ÖZƏL

Türkiyənin müdafiə naziri Yaşar Güler Ankarada Ukrayna Təhlükəsizlik Şurasının katibi Rüstəm Umerovu qəbul edib. Olaylar.az xəbər verir ki, bu barədə Türkiyə Müdafiə Nazirliyi X sosial şəbəkəsi üzərindən məlumat yayıb. Rəsmi məlumatda görüşün təfərrüatları açıqlanmasa da, Türkiyə KİV-lərinin xəbərinə görə, tərəflər Ukraynaya təhlükəsizlik təminatları ilə bağlı məsələləri müzakirə ediblər. Görüş Umerovun ABŞ-a səfərindən əvvəl baş tutub.
Xatırladaq ki, Ukrayna Prezidenti Volodimir Zelenski daha əvvəl bildirib ki, ölkə nümayəndə heyəti İsveçrəyə, daha sonra isə ABŞ-a təhlükəsizlik təminatları ilə bağlı danışıqlar aparmaq üçün səfər edəcək. Bloomberg agentliyinin məlumatına görə, ABŞ-a Zelenskinin ofisinin rəhbəri Andrey Yermak və Təhlükəsizlik Şurasının katibi Rüstəm Umerov gedir. Orada onlar ABŞ prezidentinin sülh missiyaları üzrə xüsusi nümayəndəsi Stiven Uitkoffla görüşəcək.

Təklifinizi, şikayətinizi bizə yazın. Sizi dinlərik. 055 634 88 31
Seçilən
6
olaylar.az

1Mənbələr