Növbəti tədris ilində Kəlbəcərdə yeni istifadəyə veriləcək məktəbdə ilk mərhələdə 68 şagird və 20 müəllim tədrisə cəlb olunacaq.
AzEdu.az xəbər verir ki, bu barədə "Azərbaycan müəllimi" nə Şərqi Zəngəzur Regional Təhsil İdarəsindən məlumat verilib.
Bildirilib ki, Bəhmən Cəfərov adına 1 nömrəli tam orta ümumtəhsil məktəbi 108 nəfər şagird yerlikdir və modul tipli binada fəaliyyətə başlayacaq.
Qeyd edək ki, adıçəkilən məktəb hazırda Gəncə şəhərində yerləşir.
