Meksika Senatında keçirilən iclas dava ilə başa çatıb. Müxalifətdə olan İnqilabçı İnstitusional Partiyasının (PRI) lideri Alejandro Alito Moreno Senatın sədri Gerardo Fernandez Noronaya hücum edərək, söz hüququndan məhrum edildiyini iddia edib.
Publika.az “Reuters”ə istinadla xəbər verir ki, hadisə zamanı Moreno fotoqrafı da itələyərək yerə yıxıb.
Norona mətbuat konfransında Morenonun onu ölümlə hədələdiyini açıqlayıb. O qeyd edib ki, cümə günü keçiriləcək təcili iclasda Moreno və üç PRI deputatının Senatdan qovulmasını təklif edəcək.
Moreno isə sosial şəbəkədə bildirib ki, ilk fiziki hücumu əslində Norona edib və onlar bu şəkildə müxalifəti susdurmağa çalışırlar.
