UEFA Çempionlar Liqasının ilkin mərhələsində yarışan “Araz-Naxçıvan” növbəti oyununa çıxıb.
Fanat.Az xəbər verir ki, təmsilçimiz qrupda ikinci oyununu Şotlandiya çempionu "PYF Saltires"ə qarşı keçirib.
Baş məşqçi Yevgeni Kukseviçin yetirmələri ilk turda olduğu kimi, yenə rəqibini böyük fərqlə üstələyib. Baxmayaraq ki, görüşdə hesabı rəqib açıb. Amma "qırmızı-ağlar" hələ fasiləyə qədər 6 dəfə rəqibi meydanın mərkəzinə dəvət edib. Fasilədən sonra tam üstünlüyə sahib olan təmsilçimiz hesab arasındakı fərqi qorumaqla növbəti böyükhesablı qələbəsini qazanıb - 7:2.
"Araz-Naxçıvan" qrupda son oyununu “Ljuti Krajişniçi”yə qarşı keçirəcək. Avstriya çempionu ilə görüş avqustun 30-da, saat 21:30-da başlayacaq. Son oyunda qrup liderliyini ələ keçirən təmsilçimizi istənilən hesablı heç-heçə də qane edəcək.
PYF Saltires (Şotlandiya) – Araz-Naxçıvan (AZƏRBAYCAN) 2:7 (1:6)
Qollar: Qavin Ritchie, 0:56, Paul Simpson, 30:01 - Jean Perruzo, 5:44, 10:44, Alleks Rezende, 11:12, 27:26, Karlos Bertuola, 13:19, Luicci Longo, 17:11, 19:23
Vərəqə: Rövşən Hüseynli, 25:31.
Hakimlər: Vladimir Sebek, Qonçalo Felipe Santos Duarte, Aleksandar Vangelov (Bolqarıstan)
Time kepeer: Njeqos Vuçanoviç (Avstriya)
Hakim-inspektor: Talal Daravşi (İsrail)
UEFA nümayəndəsi: Radek Lobo (Çexiya)
28 avqust. Linz. NMS İdman Sarayı.
