“Qiyamət radiosu” yeni aktivləşdi: sirli siqnallar yayımlandı

  Sirli fəaliyyətinə görə “Qiyamət Radio Stansiyası” adlandırılan UVB-76 yenidən qeyri-adi siqnallarla gündəmə gəlib.

Referans Globalinfo.az-a istinadən xəbər verir ki, stansiya 15 yeni mesaj yayımlayıb.

“UVB-76 logs” teleqram kanalının paylaşdığı məlumata əsasən, Moskva vaxtı ilə saat 09:09-da efirdə “vokzalnı”, 09:17-də isə “azospermiya” sözləri eşidilib. Bununla yanaşı “su axını”, “drapozayats”, “belobrovy”, “kiçik kitab” və digər sirli ifadələr də efirə verilib.

Xatırladaq ki, UVB-76 1976-cı ildən yayımlanan qısadalğalı radiostansiyadır. Radio həvəskarları arasında ona “buzzer” ləqəbi verilib, çünki yayımların əksəriyyəti sadəcə vızıltı və səs-küy sədaları ilə müşayiət olunur.