BAKI, 29 avqust. TELEQRAF
Qeyri-qanuni miqrantların kütləvi axını ABŞ-nin hazırkı problemlərinin əsas səbəblərindən birinə çevrilib.
Teleqraf xəbər verir ki, bu barədə “Fox News”a müsahibəsində ölkənin vitse-prezidenti Ceyms Devid Vens danışıb.
"Düşünürəm ki, hakimiyyət on milyonlarla dəvətsiz insanı gətirirsə, özünü vahid ölkənin bir hissəsi kimi hiss etmək çox çətindir. Bu həmçinin fəhlə sinfinin əməkhaqqına pis təsir göstərir. Üçüncüsü, bu, cinayətkarlığın və narkotiklərin dövriyyəsinin artmasına səbəb olur", - vitse-prezident deyib.
Onun sözlərinə görə, oxşar problem Avropada da mövcuddur ki, bu da ABŞ-yə təsir göstərir. Vens hesab edir ki, Avropa liderləri ideyaları müzakirə etmək əvəzinə öz vətəndaşlarına senzura tətbiq etməyə üstünlük verirlər.
