BAKI, 29 avqust. TELEQRAF
Rusiya tərəfindən təhdid realdır.
Teleqraf xəbər verir ki, bu barədə Almaniya Hərbi Dəniz Qüvvələrinin rəhbərliyi ilə görüşü zamanı federal kansler Fridrix Merts deyib.
Onun sözlərinə görə, Rusiya ordusu Baltik dənizindəki gündəlik fəaliyyətləri ilə “müdafiə qabiliyyətimizi yoxlayır”.
Kansler qeyd edib ki, Almaniya NATO-da son dərəcədə vacib funksiyanı yerinə yetirir.
"İstəsək də, istəməsək ki, Avropada geostrateji cəhətdən mərkəzi mövqedə yerləşirik. Qarşıdakı aylar və illər ərzində biz Alyans ərazisində sülhün və azadlığın, eləcə də onun ərazi bütövlüyünü qorumaq üçün mümkün olan hər şeyi edəcəyik", - Merts vurğulayıb.
