BAKI, 29 avqust. TELEQRAF
Hindistanda 55 yaşlı Reha Kalbeliya 17-ci dəfə uşaq dünyaya gətirib.
Teleqraf xəbər verir ki, əvvəllər doğulmuş uşaqlardan yalnız 11-i sağ qalıb, onlardan beşi ailəlidir.
Ailə metal tullantıları toplamaqla dolanır. Onların hələ də öz evi yoxdur. Dövlət proqramı çərçivəsində ailəyə ev ayrılsa da, onlar bürokratik çətinliklər və torpağa sahiblik sübutlarının olmaması səbəbindən bu evi ala bilmirlər. Rehanın əri Kavra uşaqları yedizdirmək üçün sələmçilərdən illik 20 faizlə borc götürdüyünü və hələ də borclarını ödəmədiyini etiraf edib.
Doğuşu qəbul edən ginekoloq bildirib ki, əvvəlcə onlara bunun dördüncü doğuş olduğu bildirilib. Ailə uşaqlarından heç birinə təhsil verə bilməyib və əllə düzəldilmiş daxmada yaşamağa davam edir.
