ABŞ-da Azərbaycan ilə Ermənistan arasındakı sülh sazişinin bir sıra razılaşdırılmış bəndləri paraflandı. Saziş, o cümlədən Zəngəzur dəhlizi ilə bağlı azərbaycanlı qardaşlarımızın əvvəldən etibarən ortaya qoyduğu bir tələb var idi. Atılan imzalar bunun prinsip etibarilə qəbul edilməsi mənasına gəlir.
AZƏRTAC xəbər verir ki, bu fikirləri xarici İşlər naziri Hakan Fidan ifadə edib. O, bildirib ki, görüşdə ABŞ-la Azərbaycan arasında iki anlaşma da imzalandı ki, bununla bölgə üçün çox müsbət bir mənzərə ortaya qoyuldu: “Onu da qeyd edim ki, bəli, imzalar atıldı, lakin Zəngəzur dəhlizinin fəaliyyəti ilə bağlı yekun nəticə hələ ki, əldə olunmayıb. Bu məsələ iki tərəf arasında razılaşdırılacaq. Türkiyənin isə başda ölkə başçımız olmaqla prinsip etibarilə aparılan bütün bu müzakirələrlə bağlı tutduğu yeganə mövqe hər zaman olduğu kimi, azərbaycanlı qardaşlarına güvənidir. Onların aldığı hər qərarın yanındayıq. Başda Prezident İlham Əliyev olmaqla, Azərbaycan olduqca peşəkar siyasətçilər tərəfindən idarə olunur. Onlar öz məsələlərinə çox gözəl sahib çıxırlar. Bu olduqca qürurvericidir. Burada Ermənistanın Baş nazirinin ortaya qoyduğu müsbət mövqeni də ifadə etmək lazımdır. Bu, təqdirəlayiq və tarixi bir hadisəsir”.
Hakan Fidan qeyd edib ki, Zəngəzur dəhlizi ilə bağlı fəaliyyətlərin ilk günündən etibarən Türkiyə ilə Azərbaycan arasında məsləhətləşmələr aparılır. Bu müzakirələr həm Vaşinqton görüşündən əvvəl, həm də sonra dövlət başçıları arasında da aparıldı:
“Ümumiyyətlə Azərbaycanla bizim aramızdakı məsləhətləşmə mexanizmi, koordinasiya olduqca güclüdür. Demək olar ki, hər gün Azərbaycanın xarici işlər naziri Ceyhun Bayramovla telefonla danışırdıq. Yəni, möhtəşəm bir əməkdaşlığımız var”.
