Həftənin son iş günü neft qiymətləri ucuzlaşdı, lakin həftəni artımla bağlamağa hazırlaşır. Qiymətlər dünyanın ən böyük istehlakçısında ABŞ-da yay mövsümünün sonuna yaxın tələbin azalacağı gözləntiləri ilə Rusiya təchizatının davamlılığına dair qeyri-müəyyənlik arasında dəyişir.
Banker.az xəbər verir ki, oktyabr fyuçerslərinin son ticarət günü olan Brent markalı neft 0,8% ucuzlaşaraq 68,09 dollara, noyabr kontraktı isə 0,7% azalaraq 67,50 dollara düşüb. WTI markalı neft isə 0,8% azalaraq 64,09 dollar olub. Həftəlik müqayisədə Brent 0,6%, WTI isə 0,8% artıma doğru gedir.
Qiymət artımına Ukraynanın Rusiyanın ixrac terminallarına hücumları və Almaniya kansleri Fridrix Mersin Putinlə Zelenski arasında görüş olmayacağını açıqlaması təsir edib. Bununla yanaşı, ABŞ-da Əmək günü ilə sürücülük mövsümünün bitməsi və iri istehsalçıların könüllü hasilat ixtisarlarını dayandırması bazara əlavə təklif çıxarıb.
Avtraliyanın ANZ bankının analitiki Vivek Dhar bildirib ki, OPEC+ hasilatının artması və emalın mövsümi azalması yaxın aylarda ehtiyatların çoxalmasına səbəb olacaq və Brent qiyməti 2025-ci ilin IV rübündə 63 dollara düşə bilər.
Rusiyanın Kiyevə hücumu nəticəsində 23 nəfərin həlak olması ABŞ-ın yeni sanksiyalar tətbiq edə biləcəyi narahatlıqlarını artırıb. Eyni zamanda, ABŞ-ın Hindistana təzyiqlərinə rəğmən sentyabrda Rusiyadan bu ölkəyə neft ixracının artacağı gözlənilir.
Bundan başqa, Səudiyyə Ərəbistanının Asiya bazarı üçün qiymətləri endirə biləcəyi, həmçinin Drujba kəməri ilə Macarıstan və Slovakiyaya tədarükün bərpa olunduğu bildirilib.
