AZ

Ömrünü Vətən yolunda yaşayan qəhrəman

ain.az, Yeniazerbaycan portalından verilən məlumatlara əsaslanaraq xəbər verir.

40 illik ömrünün 25 ilini Vətənə xidmət etməklə keçirən Azərbaycan Ordusunun zabiti Fətəliyev Zahir Zakir oğlu 26 may 1985-ci ildə Bakı şəhərində anadan olub. O, orta təhsil aldığı 221 saylı orta məktəbin 8-ci sinfini bitirdikdən sonra 15 yaşında ikən Cəmşid Naxçıvanski adına hərbi liseyə qəbul olunmaqla hərbi təhsilinin bünövrəsini qoyur. Daha sonra təhsilini 2002-2006-cı illərdə Azərbaycan Ali Hərbi Məktəbində, 2006-2007-ci illərdə Azərbaycan Ordusunun Təlim-Tədris Mərkəzində davam etdirir. Ali təhsilini bitirdikdən sonra “leytenant” hərbi rütbəsini alan Zahir Fətəliyev Naxçıvan Muxtar Respublikasına təyinat alaraq N saylı hərbi hissədə zabit kimi hərbi xidmətə başlayır. Davamlı olaraq 13 il Naxçıvanda müxtəlif hərbi hissələrdə xidmət edən Zahir Fətəliyevin təyinatı 2019-cu ildə Tərtər şəhərindəki N saylı hərbi hissəyə verilir. 2020-ci il sentyabrın 27-də Azərbaycan ərazi bütövlüyünün bərpa olunması üçün başlanan Vətən müharibəsi zamanı o, xidmətini davam etdirdiyi Tərtər-Ağdam istiqamətindən döyüşlərə girir. Gərgin döyüşlər zamanı dəfələrlə ağır xəsarətlər  almasına baxmayaraq, qəlbində olan vətənpərvərlik sevgisi, döyüş əzmi müharibənin sonunadək döyüşlərdə iştirakını davam etdirməsinə güc-qüvvət vermişdir. Döyüşlərdə göstərdiyi şücaətinə görə Azərbaycan Respublikasının Müharibə veteranı, Vətən müharibəsi iştirakçısı, Suqovuşanın azad olunmasına görə medalları ilə təltif olunmuşdur. Müharibə bitdikdən sonra da zabit kimi xidmətini davam etdirmək istəyinə baxmayaraq sağlamlığı buna imkan vermir. 2021-ci ildə ordu sıralarından ehtiyata buraxılır. Ehtiyatda olduğu müddət ərzində peşəkar həkimlərimiz həkim-qostrentoloq Afaq Həşimova və həkim-nevropotoloq Aygün İbadovanın sayəsində sağlamlığı bərpa olunur və mütəmadi olaraq həkim nəzarətində saxlanılır. Gəncliyinin 25 illini hərbi xidmətə sərf etdikdən sonra həyatının qalan hissəsinin övladları və ailəsi ilə birgə keçirdiyi zamanda 22 avqust 2025-ci ildə qəflətən vəfat edir. Artıq ondan geriyə qalan 2 azyaşlı övladı və onunla bağlı xatirələrdir.

Havar

Ən son xəbərləri və yenilikləri almaq üçün ain.az saytını izləyin.

Seçilən
7
1
yeniazerbaycan.com

2Mənbələr