Şanxay Əməkdaşlıq Təşkilatına (ŞƏT) üzv olan bütün ölkələrin dövlət başçıları avqustun 31-də Çinin Tyanjin şəhərində işə başlayacaq sammitdə iştiraklarını təsdiqləyiblər. AzPost xəbər verir ki, bu barədə təşkilatın baş katibi Nurlan Yermekbayev RİA “Novosti”yə açıqlamasında bildirib.
Sammitin iki gün davam edəcəyi, əsas müzakirə mövzularının regional təhlükəsizlik, iqtisadi əməkdaşlıq və təşkilatın genişlənməsi perspektivləri olacağı gözlənilir.
Hazırda ŞƏT-in üzvləri sırasında Rusiya, Hindistan, Qazaxıstan, İran, Çin, Pakistan, Tacikistan və Özbəkistan yer alır. 2024-cü ilin 4 iyul tarixindən etibarən Belarus da təşkilatın tamhüquqlu üzvünə çevrilib.
Bundan başqa, Ermənistan, Azərbaycan, Şri-Lanka, Nepal, Türkiyə, Birləşmiş Ərəb Əmirlikləri və Kamboca təşkilatın tərəfdaş ölkələri kimi iştirak edir.
Sammitdə hər bir üzv dövlətin liderinin bir masa arxasında əyləşməsi, həm ikitərəfli, həm də çoxtərəfli formatda görüşlər keçirməsi planlaşdırılır.
