“Beşiktaş”da baş məşqçi dəyişikliyi reallaşır.
Publika.az xəbər verir ki, norveçli mütəxəssis Ole Qunnar Sulşerlə UEFA Konfrans Liqasındakı uğursuz çıxışdan sonra yollarını ayıran İstanbul klubunun yeni çalışdırıcısının adı bəllidir. “Ağ-qaralar”ı bundan sonra Sərgən Yalçın çalışdıracaq. Bu barədə“TRT Spor” məlumat yayıb.
Komandanın sabiq oyunçusu və baş məşqçisinin bu gündən məşqlərə də qatılacağı bildirilir.
Xatırladaq ki, o, 2020-ci ilin yanvarından 2021-ci ilin dekabrınadək “qara qartallar”ın baş məşqçisi olub və komanda ilə Türkiyə Superliqasını və kubokunu qazanıb.
