AZ

Üç Avropa ölkəsi İrana qarşı birləşdi: BMT Təhlükəsizlik Şurasına müraciət etdilər

Böyük Britaniya, Fransa və Almaniyadan ibarət E3 ölkələri BMT Təhlükəsizlik Şurasına müraciət edərək İrana qarşı sanksiyalar tətbiq etməyə imkan verən “snapback” mexanizmini işə salıb.

Publika.az xəbər verir ki, Almaniyanın xarici işlər naziri Yohann Vadeful, Fransanın xarici işlər naziri Jan-Noel Barrot və Böyük Britaniyanın xarici işlər naziri Devid Lemmi bununla bağlı birgə bəyanat yayıblar.

Bəyanatda BMT Təhlükəsizlik Şurasının 2231 saylı qətnaməsinə uyğun olaraq 20 iyul 2015-ci ildə Birgə Hərtərəfli Fəaliyyət Planının (JCPOA) imzalandığı xatırladılıb. Qeyd edilib ki, ABŞ-ın sazişdən çıxmasının ardınca İran da müqavilədəki öhdəliklərini yerinə yetirməkdən imtina edib.

Həmçinin, İranın Beynəlxalq Atom Enerjisi Agentliyinə (MAQATE) razılaşmanın icrası ilə bağlı monitorinq fəaliyyətləri aparmaq səlahiyyətindən istifadə etməsinə icazə vermədiyi və razılaşmanın əlavə protokolunun icrasını dayandırdığı bildirilib.

İranın nüvə proqramının beynəlxalq sülh və təhlükəsizliyə açıq təhdid olaraq qaldığı irəli sürülüb. Vurğulanıb ki, İranın yüksək zənginləşdirilmiş uran ehtiyatı ilə bağlı heç bir mülki əsası yoxdur və bu, MAQATE tərəfindən də nəzərə alınmayıb.

Seçilən
7
publika.az

1Mənbələr