Perunun Amazon bölgəsində yaşayan və uzun illərdir xarici dünyadan təcrid olunmuş "Mashco Piro" qəbiləsi yaxınlıqdakı yerli kəndə daxil olaraq yenidən diqqət mərkəzinə düşüb.
BAKU.WS xəbər verir ki, tədqiqatçı Teresa Mayo bildirir ki, ötən il bölgədə baş vermiş ölümcül hadisələrdən sonra heç bir önləyici tədbir görülməyib. İndi "Mashco Piro" ilə ərazidə fəaliyyət göstərən meşədə işləyənlər arasında qarşıdurmanın qaçılmaz olduğu bildirilir.
Qeyd edək ki, qəbilə üzvlərinin görüldüyü ərazinin yaxınlığında körpü tikintisi aparan meşə şirkətləri fəaliyyət göstərir və aktivistlər bu layihənin Mashco Piro torpaqlarına girişləri asanlaşdıraraq həm xəstəlik riskini, həm də qarşıdurma ehtimalını artırdığını vurğulayır.
"Mashco Piro" xalqı uzun illərdir xarici təsirlərdən uzaq qalaraq həm mədəniyyətini, həm də sağlamlığını qorumağa çalışır, çünki onlar üçün hətta adi soyuqdəymə kimi kiçik xəstəliklər belə ölümcül nəticələr doğura bilər.
