Bakı, 29 avqust, AZƏRTAC
Paytaxtın Xətai, Nərimanov və Səbail rayonlarında talama cinayətləri qeydə alınıb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, naməlum şəxslər ayrı-ayrı vətəndaşlara məxsus mobil telefon, motosiklet, eləcə də marketlərin birindən 2 min 400 manat dəyərində lotereya biletləri oğurlayıblar.
Polis əməkdaşları tərəfindən keçirilən əməliyyat-axtarış tədbirləri nəticəsində cinayət əməllərini törətməkdə şübhəli bilinən 33 yaşlı İ. Alxasov, əvvəllər məhkum olunmuşlar - 37 yaşlı R. Piriyev və 32 yaşlı T. Maksimov saxlanılıblar.
Faktlarla bağlı araşdırmalar aparılır.
