“Əgər Allah eləməsin, dəhşətli faciə baş versəydi, mən əldə etdiklərimdən daha yaxşı praktiki təlim təsəvvür edə bilmirəm.” Vensin sözlərinə görə, vitse-prezident kimi fəaliyyəti ona dövlət başçısının öhdəliklərini icra etmək üçün kifayət qədər bacarıq və təcrübə qazandırıb. Bununla yanaşı, o, Trampın “inanılmaz dərəcədə yaxşı sağlamlıq vəziyyətində” olduğunu və prezidentlik müddətini tamamlamaqda qərarlı olduğunu vurğulayıb.
Xatırladaq ki, daha əvvəl Donald Tramp J.D. Vensi qarşıdan gələn Respublikaçıların seçkisində əsas namizədlərdən biri kimi göstərmişdi:
“Hələ tezdir, amma o, əla iş görür. Yəqin ki, indiki məqamda favoritdir”, – deyə Tramp bildirmişdi.
