Rusiya Prezidenti Vladimir Putinin Çinə rəsmi səfəri son illərin ən uzunmüddətli səfərlərindən biri olacaq və dörd gün davam edəcək.
Editor az xəbər verir ki, bu barədə Dövlət Dumasının beynəlxalq münasibətlər komitəsinin sədr müavini Aleksey Çepa məlumat verib.
Deputatın sözlərinə görə, dövlət başçısının belə uzunmüddətli səfərləri nadir hallarda baş tutur və bu, görüşlərin proqramının kifayət qədər geniş olacağından xəbər verir.
Putinin səfər çərçivəsində Çin rəhbərliyi ilə danışıqlar aparacağı, həmçinin Şanxay Əməkdaşlıq Təşkilatının sammitində iştirak edəcəyi bildirilir. Sammit zamanı digər üzv ölkələrin nümayəndələri ilə görüşlərin keçirilməsi də gözlənilir.
//Samir Qurbanov, Editor.az
