Mavritaniya sahillərində 26 avqust tarixində miqrantları daşıyan gəminin çevrilməsi nəticəsində azı 49 nəfər ölüb, 100 nəfər yaxın itkin düşən var.
APA xəbər verir ki, bu barədə Mavritaniyadan olan rəsmilər bu gün AFP-ə məlumat veriblər.
Bildirilib ki, 17 nəfər xilas edilib.
49 nəfərin meyiti tapılıb və dəfn edilib.
Axtarışlar hələ də davam edir.
Məlumata görə, gəmidə təxminən 160 nəfər miqrant olub ki, onların bir çoxu Seneqal və Qambiyadandır.
