ain.az, Azxeber.com portalına istinadən məlumatı açıqlayır.
Son dövrlər Azərbaycan və
Rusiya arasındakı münasibətlərdə soyuqluq müşahidə edilir.
Münasibətlərin gərginləşdiyi bir dönəmdə azərbaycanın
məşhur simalarının Rusiyaya buraxılmaması və onların hava limanında
hüquq-mühafizə orqanları tərəfindən sorğu-sual olunmaları ciddi müzakirələrə səbəb
olub. Rusiya onları guya
anti-Rusiya mövqeyi sərgilədiklərinə görə ittiham edərək ölkəyə girişinə icazə
vermir.
AZXEBER.COM son zamanlar Rusiyaya buraxılmayan,
eyni zamanda bu ölkədə döyülən, saxlanılan və şiddətə məruz qalan azərbaycanlıların
siyahısını təqdim edir.
Deputat Azər Badamov may ayında Rusiyaya
buraxılmayıb və Azərbaycana qaytarılıb.
İyunun 28-də Yekaterinburqda Federal Təhlükəsizlik Xidməti Səfərovlar ailəsinin yaşadıqları müxtəlif ünvanlarda əməliyyat keçirərək 9 nəfəri saxlayıblar. Basqın zamanı iki azərbaycanlı qardaşlar qətlə yetirilib, digər azərbaycanlılar isə həbs olunub. Onların ömürlük həbs edilməsi ehtimalı var.
Yekaterinburqdakı Azərbaycan diasporunun rəhbəri
Şahin Şıxlinski və oğlu Mutvali Şıxlinski iyunun 1-də saxlanılıb. Daha
sonra hər ikisi azadlığa buraxılsa da, M.Şıxlinski yenidən 2 aylıq həbs edilib.
Şahin Şıxlinski isə avqustun 2-də yenidən həbs edilib.
"Dəyirman” qrupunun yaradıcısı, tanınmış
prodüser Emin Əfəndi də avqustun 18-də Rusiyaya buraxılmayıb.
Müğənni Namiq Qaraçuxurlu ötən gün Şeremetyevo
Beynəlxalq Hava Limanında sərhəd xidməti əməkdaşları tərəfindən saxlanılıb. Onun
Rusiyaya keçməsinə icazə verilməyib.
Dünən Moskva Satira Teatrının sabiq direktoru
Məmməd Ağayev də saxlanılıb. O, büdcə vəsaitini mənimsəməkdə
ittiham edilib.
Rusiyanın azərbaycan əsilli müğənnisi Nərgiz
Zakirova Daşkənddən Moskvaya qayıdarkən saxlanılıb və Özbəkistana deportasiya
olunub.
Bu gün isə tanınmış müğənni Şəbnəm Tovuzlu Rusiyaya
buraxılmayıb.
Mikayıl Mirzəzadə
Daha ətraflı məlumat və yeniliklər üçün ain.az saytını izləyin.
