Sosial şəbəkələrdə yayılan maraqlı video gündəmə çevrilib. İsveçrəli səyyah Sandro Şmit motosikleti ilə Ermənistan ərazisində səyahət edərkən hərbi postda saxlanılıb.
Görüntülərdə erməni əsgərləri turistlə söhbət edir, onu gülümsəyərək qarşılayır və söhbət sonda Rusiya prezidenti Vladimir Putinlə bağlı münasibətə gəlir.
Səyyahın sualına cavab olaraq əsgərlərin fikri açıq-aşkar ironik və bir qədər də mənfi olub. Videonun müəllifi bunu sarkazmla təqdim edir: “Spoiler – münasibət heç də ürəkaçan deyil.”
Hadisə izləyicilər arasında müxtəlif reaksiyalara səbəb olub. Bəziləri erməni hərbçilərinin “səmimiliyinə” gülərək yanaşsa da, digərləri bunu Ermənistan cəmiyyətində Rusiyaya qarşı artan narazılığın əyani nümunəsi kimi dəyərləndirirlər.
Sandro Şmitin bu səfər anı həm maraqlı kadrlarla, həm də Ermənistan-Rusiya münasibətlərinə dair qeyri-rəsmi “küçə diplomatiyası”nı əks etdirməsi ilə diqqət çəkib.
Musavat.com
