Ermənistanda turist motosikletlə döyüş mövqeyinə keçib.
Bakupost.az erməni KİV-ə istinadən məlumat verir ki, Ermənistan Müdafiə Nazirliyi İsveçrə vətəndaşı olan Sandro Şmid adlı şəxsin iştirakı ilə baş vermiş hadisəyə görə xidməti araşdırma başladıb.
İsveçrəli turist son vaxtlar Ermənistanda motosikletlə səyahət edib. Səfəri zamanı o, maneəsiz şəkildə ön cəbhə mövqelərindən birinə qədər gedib çıxıb. Orada onu erməni hərbçiləri qarşılayıb.
Şmidin özü tərəfindən çəkilərək sosial şəbəkələrdə paylaşılan videoda, hərbçilərin xüsusi mühafizə olunan əraziyə icazəsiz daxil olmuş əcnəbi turistə qarşı heç bir tədbir görmədiyi, əksinə onunla səmimi tonda söhbətlər apardıqları müşahidə olunur.
Hazırda Müdafiə Nazirliyi insidentin təfərrüatlarını araşdırır.
https://t.me/haqqin_azz/157444
"Cebheinfo.az"
