Tək oğlan uşaqlarının əsgərliyə aparılması ilə bağlı MÜHÜM XƏBƏR: "Bu addım atılsa..."

  zərbaycanda hərbi xidmət zamanı ailədə tək oğul və ya qardaş olan şəxslərə güzəşt tətbiqi məsələsi gündəmə gətirilir.

Referans xəbər verir ki,  mövzu ilə bağlı hərbi ekspert Ədalət Verdiyev KONKRET.az-a açıqlama verib.

 
Ekspert bildirib ki, ölkədə mövcud demoqrafik vəziyyət və açıqlanan statistika ailələrin əksəriyyətində oğlan uşaqlarının tək olduğunu göstərir:
“Əgər tək övlad və ya tək oğlan uşaqlarına hərbi xidmətdən güzəştlər və imtiyazlar tətbiq edilərsə, bu, bir tərəfdən Silahlı Qüvvələrin komplektləşdirilməsinə mənfi təsir göstərəcək, digər tərəfdən isə cəmiyyətdə demoqrafik problemlərə yol açacaq. Belə addım atılacağı təqdirdə bir çox ailələr yalnız tək oğul və ya tək oğlan uşağı ilə kifayətlənə bilər ki, bu da əhali artımını məhdudlaşdırar”.

Ədalət Verdiyevin sözlərinə görə, bu hal həm milli, həm də dövlət maraqlarına uyğun deyil.