ain.az xəbər verir, Yeniavaz saytına əsaslanaraq.
Rusiya Prezidenti Vladimir Putinin tələbə yoldaşı olan məşhur azərbaycanlı iş adamı İlham Rəhimovun kürəkəni Araz Mehdiyev Moskvanın “Şeremetyevo” hava limanındakı rüsumsuz mağazaların əsas operatorunun sahibi statusunu itirib.
Yeniavaz.com xəbər verir ki, bu barədə “RBC” agentliyi məlumat yayıb.
Bildirilir ki, azərbaycanlı iş adamı Araz Mehdiyev artıq Moskvanın “Şeremetyevo” hava limanında fəaliyyət göstərən ən böyük rüsumsuz ticarət mağazalarının operatoruna sahib deyil. Şirkət 25 avqustdan etibarən yeni sahibi – Vitali Bavinin nəzarətinə keçib.
Məlumata əsasən, Bavin son iki il ərzində bu operatorun – “Travel Retail Şeremetyevo” MMC-nin baş direktoru olub. İndi isə o, şirkətin yeganə sahibi kimi çıxış edir.
Vitali Bavin haqqında açıq mənbələrdə çox az məlumat var. Bildirilir ki, Bavin 2015–2023-cü illərdə “Şeremetyevo”dakı digər böyük operator – “İmperial Duty Free” ASC-yə rəhbərlik edib. O həm də “Port Alliance SC” şirkətinə rəhbərlik edib. Bu şirkət hava limanında spirtli içkilərin satışı ilə məşğuldur.
“Travel Retail Şeremetyevo” MMC 2022-ci ilin payızında yaradılıb. Federal Gömrük Xidmətinin reyestrinə görə, hazırda “Şeremetyevo”dakı rüsumsuz mağazaların çoxu bu şirkətə məxsusdur.
Şirkət təkcə ərzaq və aksesuar satışı ilə kifayətlənmir, həm də “Max Mara”, “Hugo Boss”, “CK Underwear”, “Swarovski” kimi brendlərin mağazalarını idarə edir. 2024-cü ildə onun gəliri 12,4 milyard rubl təşkil edib ki, bu da əvvəlki illə müqayisədə iki dəfə çoxdur.
Araz Mehdiyev yalnız “Şeremetyevo” ilə kifayətlənməyib. O, “Domodedovo” hava limanında da rüsumsuz mağazaların operatoru olan “Travel Retail Domodedovo” MMC-yə sahib olub. Bundan başqa, iş adamı “Imperial Duty Free” şirkətində də pay sahibi idi. Burada “Bulgari”, “Max Mara”, “Etro”, “CK Underwear” kimi brendlərin mağazaları fəaliyyət göstərir.
Amma 2025-ci ildə Kipr və Marşal adalarında qeydiyyatdan keçmiş şirkətlər vasitəsilə Mehdiyev bu strukturlardakı paylarını itirib. Yeni sahiblərin kimliyi isə açıqlanmır.
“Şeremetyevo” hava limanının mətbuat xidməti RBC-yə bildirib ki, “Travel Retail Sheremetyevo” müstəqil hüquqi şəxsdir və sərnişin xidmətinin keyfiyyət standartlarına uyğun olaraq müqavilələr əsasında fəaliyyət göstərir.Elnur Əli
Ən son xəbərləri və yenilikləri almaq üçün ain.az saytını izləyin.
