ABŞ Fələstinin prezidenti Mahmud Abbas və digər rəsmi şəxslərini gələn ay Nyu Yorkda keçiriləcək BMT Baş Assambleyasının iclasında iştirakını qadağan edib.
APA xəbər verir ki, bu barədə “New York Post” əldə etdiyi sənədlərə istinadən xəbər verir.
Məlumata görə, fələstinli rəsmilərin vizası ləğv edilir və bu barədə göstəriş birbaşa olaraq ABŞ dövlət katibi Marko Rubiyo tərəfindən verilib.
Buna səbəb isə Fələstin rəsmilərinin “zorakılıq və anti-semitizmi təbliğ etməsi, eləcə də terrorçulara maddi dəstək göstərməsi” ilə izah olunub.
