Ajans.az xəbər verir ki, bu sözləri keçirdiyi mətbuat konfransında jurnalistlərə Ukrayna Prezidenti Volodimir Zelenski söyləyib. O bildirib ki, Rusiya liderlərin görüşünü uzatmaq üçün müxtəlif vasitələrə əl ata bilər. Zelenski onu da vurğulayıb ki, hərbi əməliyyatlar bu və ya digər şəkildə başa çatacaq. Çünki, Ukraynanın müttəfiqləri Rusiyanın ikitərəfli görüşə hazır olduğunu nümayiş etdirməsi üçün sentyabrın 1-nə qədər gözləməyə razılaşıblar. Eyni zamanda, Ukrayna lideri hesab edir ki, Rusiyanın bütün Ukrayna ərazisini işğal etməyə, Ukraynanın isə Rusiyanın nəzarəti altında olan bütün əraziləri qaytarmağa gücü çatmır. Sonda Zelenski onu da bildirib ki, Rusiya dünya üçün təcavüzkar olaraq qalır. Dünya ölkələri Rusiyanı dəstəkləmir.
“Müharibə hər halda bitəcək, Putin heç yerə qaça bilməyəcək”,-deyə Ukrayna lideri söyləyib.
