NASA və IBM kosmosdakı hava proqnozlarını dəyişə biləcək Surya adlı süni intellekt modelini təqdim edib.
QHT.az xəbər verir ki, model NASA-nın Günəş Dinamikası Rəsədxanasının doqquz illik məlumatları əsasında hazırlanıb və günəş alovlarını, küləyinin sürətini və aktiv bölgələrin yerləşməsini proqnozlaşdıra bilir. Surya, ənənəvi üsullardan fərqli olaraq, daha böyük şəkil dəstlərini təhlil edərək hadisələri yüksək dəqiqliklə və iki saat əvvəldən proqnozlaşdırır. İlkin sınaqlarda model günəş alovlarının dəqiqliyini 16% artırıb və onların dəqiq yerini göstərməyə imkan verir.
Günəş alovları və tac kütlələrinin atılması peyklər, elektrik şəbəkələri, GPS və radiorabitəyə ciddi təsir göstərə bilər. Surya operatorlara potensial təhlükələrə hazırlıq imkanı verir. NASA və IBM modeli Hugging Face, GitHub və IBM TerraTorch vasitəsilə elmi ictimaiyyətə açıq təqdim edib. Alimlər ümid edirlər ki, gələcək kosmik müşahidələr Suryanın proqnozlarını daha da dəqiqləşdirəcək. Surya süni intellekti və zəngin məlumat arxivini birləşdirərək günəş fırtınalarını proqnozlaşdırmaqda yeni imkanlar açır və kosmik meteohəssas texnologiyalar üçün mühüm addımdır.
R.İmanov
