Idmanxeber.az saytından əldə olunan məlumata görə, ain.az məlumat yayır.
“Şamaxı” Misli Premyer Liqasının 3-cü turunda səfərdə “Sumqayıt”la 1:1 hesablı heç-heçə edib.
İdmanxeber.az xəbər verir ki, bölgə təmsilçisinin baş məşqçisi Ayxan Abbasov matçdan sonra keçirilən mətbuat konfransında görüşü şərh edib:
“Gərgin oyun olacağı əvvəlcədən bilinirdi. “Sumqayıt” çempionata çox yaxşı başlayıb və “Qarabağ”a qalib gəldikdən sonra daha da inamlı çıxış edirdi. Biz də xal qazanmaq istəyirdik. Oyunda real epizodlar əsasən zərbələrlə oldu. Təəssüf ki, öz qapımıza qol vurduq, amma futbolçuların buna reaksiyası məni sevindirdi. Hesab 1:1 olduqdan sonra ən real imkanlar bizdə idi. Hər iki komanda 1 xala layiq idi. İndi milli fasilə var və daha yaxşı olmalıyıq. Əlimizdə olan futbolçularla mübarizəni davam etdirəcəyik”.
U-21 millisinin qarşıdakı oyunlarına da toxunan çalışdırıcı bunları deyib:
“Millidə tək deyiləm, köməkçilərimlə birgə çalışırıq. Portuqaliya və Bolqarıstan yığmalarını təhlil etmişik. Bu, bizim üçün də yeni təcrübədir. Böyük məktəbdir və ümid edirəm ki, bu sınaqdan üzüağ çıxarıq”.
Sonrakı hadisələr barədə daha çox məlumat almaq üçün ain.az saytını izləyin.
