Ermənistan Baş Prokurorluğuna baş nazir Nikol Paşinyana qarşı “Hökumət mənəm” sözlərinə görə cinayət işi açılması üçün müraciət olunub.
"Unikal" xəbər verir ki, Prokurorluğa müraciəti Ermənistan Milli Konqresi partiyasının sədr müavini Levon Zurabyan edib. O, hesab edir ki, baş nazirin sözlərində “vəzifə və ya xidməti səlahiyyətlərdən sui-istifadə” əlamətləri var.
Xatırladaq ki, bu sözləri Paşinyan Beynəlxalq Arbitraj Məhkəməsinin Ermənistanın Elektrik Şəbəkələrinin taleyi ilə bağlı qərarının Ermənistan hakimiyyəti tərəfindən icrasını şərh edərkən deyib. Qurum əvvəllər hökumətə şirkətə qarşı hər hansı tədbir görməyi qadağan etmişdi.
Şirkətin sahibi Samvel Karapetyan Erməni Apostol Kilsəsini müdafiə edən çıxışından sonra həbs edilib.
