Moskva metrosunda adam oğurlanıb. Cinayətkarlar bunu 380 min rubl qarşılığında həyata keçiriblər.
News24.az xəbər verir ki, bu barədə Rusiya İstintaq Komitəsinin (SKR) paytaxt şöbəsindən məlumat verilib.
İdarədən verilən məlumata görə, avqustun 20-də təqsirləndirilən şəxslər “Pervomayskaya” stansiyasında zərərçəkmişdən maşına minməyi tələb ediblər. Onu öldürməklə hədələyiblər. Daha sonra maşında ondan 380 min rubl tələb ediblər. İstəklərinə çatmadıqları üçün onu döyüblər.
Ardınca zərərçəkmişi Moskvadakı evlərdən birinə aparıb pul verilməyə razılıq alınana qədər orada saxlayıblar.
Hüquq-mühafizə orqanları cinayətkarları yaxalayıb. Onlara adam oğurluğu və hədə-qorxu ilə pul tələb etmək maddəsi ilə cinayət işi açılıb.
Aqil
