BAKI, 30 avqust. TELEQRAF
Amerika sərhədçiləri avqust ayında ABŞ-Meksika sərhədini qanunsuz keçmə hallarının əhəmiyyətli dərəcədə artdığını qeyd ediblər.
Teleqraf xəbər verir ki, bu barədə “New York Post” qəzeti mənbələrə istinadən məlumat yayıb.
Məlumata görə, avqustda ABŞ-yə cənub sərhədindən 7,2 mindən çox qanunsuz giriş faktı qeydə alınıb. Bu, iyul ayı ilə müqayisədə 57 faiz çoxdur.
Sərhəddə saxlanılan qeyri-qanuni immiqrantlar ya Meksikaya geri göndərilir, ya da sonradan deportasiya edilmək üçün Gömrük və Sərhəd Mühafizə Xidmətinə təhvil verilir.
Nəşrin ABŞ Daxili Təhlükəsizlik Departamentindəki mənbəsi sıçrayışı Amerika lideri Donald Tramp tərəfindən əvvəllər ölkədən qovulmuş miqrantların ölkəyə qayıtmağa çalışması ilə izah edib.
