“Qarabağ” sabiq hücumçusu Juninyo Olavionu yenidən heyətinə qatmaq istəyir.
İdmanxeber.az-ın məlumatına görə, Ağdam klubu braziliyalı forvardla danışıqlara başlayıb. “Flamenqo”da əsas heyətə düşə bilməyən 28 yaşlı futbolçu da qayıdışa müsbət yanaşır.
Braziliya klubu oyunçunu yalnız satmaq şərti ilə buraxmağa hazırdır. Yanvarda 5 milyon avroya transfer olunan Juninyo üçün “Qarabağ” daha az məbləğ təklif edir.
Digər variant isə futbolçunun 1 illik icarəsidir.
Qeyd edək ki, Juninyo “Flamenqo”nun heyətində 25 oyunda 3 qol vurub.
