ABŞ-nin Beynəlxalq İnkişaf Agentliyi (USAID) rəsmi olaraq bağlanır.
Yeniavaz.com xəbər verir ki, bunu ABŞ dövlət katibi Marko Rubio “X” hesabında yazıb.
“Yanvar ayından biz vergi ödəyicilərinə on milyardlarla dollar qənaət etmişik. Və az sayda əsas proqramların Dövlət Departamentinə ötürülməsi ilə USAID rəsmi olaraq bağlanma rejiminə keçir”, - Rubio bildirib.
O qeyd edib ki, ləğvetmə prosesinə administrasiyanın İdarəetmə Ofisi və Büdcə Direktoru Russel Voyt rəhbərlik edəcək.
Qeyd edək ki, USAID 1961-ci ildə ABŞ Konqresi tərəfindən yaradılıb və bütün dünyada 10 minə yaxın işçisi var. Prezident Donald Tramp 2025-ci ilin yanvarında Ağ Evə qayıtdıqdan sonra USAID proqramlarını 90 gün müddətinə dayandırmış və bildirmişdi ki, təşkilatın Amerika maraqlarına uyğunluğu yoxlanılmalıdır.