Qaynarinfo saytından alınan məlumata görə, ain.az bildirir.
"Seçkiyə bir ildən az bir zaman qalıb. Bu məhdud zaman çərçivəsində "Öz yolunuzla" hərəkatının partiyaya çevrilərək, parlament seçkilərində uğur qazanması mümkün deyil".
Bunu Qaynarinfo-ya açıqlamasında politoloq Əlimusa İbrahimov həbs edilən biznesmen Samvel Karapetyan tərəfindən əsası qoyulan "Öz yolumuzla” hərəkatının Ermənistanda olacaq qarşıdakı seçkilərdə baş nazir Nikol Paşinyana başağrısı yarada biləcəyi ehtimalından danışarkən deyib.
"Seçkiyə bir ildən az müddət qalıb. Bu məhdud zaman çərçivəsində "Öz yolunuzla” hərəkatının partiyaya çevrilərək, parlament seçkilərində uğur qazanacağı mümkün deyil. Hərəkatı yaradanlar və onun arxasında dayananlar Ermənistan parlamentində yer əldə etməkdən daha çox, seçki ərəfəsində daxili-siyasi vəziyyəti gərginləşdirməkdən başqa hər hansı bir nəticəyə nail ola bilməyəcəklər", deyə Əlimusa İbrahimov bildirib.
Ekspert qeyd edir ki, Rusiyanın Samvel Karapetyandan istifadə etmək cəhdi də iflasa məhkumdur:
"Samvel Karapetyanın təşəbbüsü ilə yaradılan "Öz yolumuzla" adlı hərəkatın hərəkatın yaradılmasında məqsəd gələcəkdə partiyaya çevrilib 2026-cı ilin iyunda keçirilməsi nəzərdə tutulan parlament seçkilərində iştirak etmək və Paşinyana ciddi müxalifət yaratmaqdır. Ermənistanda və ondan kənarda hamıya məlumdur ki, Karapetyan Rusiyanın adamıdır və Paşinyana qarşı cəbhə yaratmaq üçün Moskvadan "desant” olaraq göndərilib. Bu Rusiyanın eyni səciyyəli ilk addımımı deyil. Zamanında Rusiyadan olan digər milyarder Ruben Vardanyan da eyni məqsədlə Rusiya tərəfindən göndərilmişdi. Onun sonrakı taleyi heç də qibtə ediləsi olmadı. Samvel Karapetyan da hazırda heç də yaxşı vəziyyətdə deyil. O, Ermənistana düşən kimi hakimiyyəti ələ keçirməyə çağırışda ittiham edilərək İrəvan məhkəməsi tərəfindən həbs edilib və parlament seçkiləri bitənə qədər həbsdən azad edilməyəcək”.
Əlimusa İbrahimov düşünür ki, Ermənistanda vəziyyətin məhz müxalifət tərəfindən gərginləşdirilməsi seçki dönəmində Paşinyanın xeyrinə işləyəcək:
"Bu əslində, Paşinyanın nüfuzuna işləyəcək bir hərəkət olacaq. Digər tərəfdən, Samvel Karapetyan, Robert Koçaryan və Serj Sarksyan cütlüyü birləşsə belə, Paşinyana ciddi təhlükə yarat imkanlarına malik deyillər. Son hadisələr fonunda Paşinyanın ölkə daxilində nüfuzu durmadan artır. Erməni cəmiyyətinin artıq Paşinyanın apardığı siyasətin onların mənafeyinə uyğun olduğunu dərk etməyə başlayıb. Bütün bunları nəzərə aldıqda Rusiyanın növbəti cəhdinin də uğursuzluğa düçar olacağını düşünürəm. Paşinyana isə artıq "suda batmaz, odda yanmaz” ləqəbini verməyin vaxtıdır”.
Qeyd edək ki, hazırda istintaq altında olan biznesmen Samvel Karapetyan Ermənistan cəmiyyətinə mesaj ünvanlayıb. Onun bu mesajı "Öz yolumuzla” xalq hərəkatının təqdimat mərasimində səsləndirilib. Burada qeyd edilir ki, tezliklə "Öz yolumuzla” ictimai hərəkatını cəmiyyətə təqdim edəcəklər:
"Məqsədimiz iqtisadiyyatı inkişaf etdirmək, biznes üçün real imkanlar yaratmaq, ailə və milli dəyərləri möhkəmləndirmək, o cümlədən Ermənistanın etibarlı tərəfdaş kimi reputasiyasını bərpa etmək, Qarabağ xalqının ləyaqətli həyat hüququnu təmin etmək, gənclərin gələcəyə inamını qaytarmaq, təhsil sistemini inkişaf etdirmək, o cümlədən müqəddəs kilsəni saxlamaq və qorumaqdır”.
Rüfət Sultan
Sonrakı hadisələr barədə daha çox məlumat almaq üçün ain.az saytını izləyin.
