Azərbaycanın turizm sənayesi hazırkı səviyyədən 2, hətta 3 dəfə çox turist qəbul etmək potensialına malikdir.
Teleqraf xəbər verir ki, bu barədə jurnalistlərə açıqlamasında Dövlət Turizm Agentliyinin sədrinin müşaviri, Agentliyin Aparat rəhbəri vəzifəsini müvəqqəti icra edən Kənan Quluzadə deyib.
O qeyd edib ki, Azərbaycan turizmində rekord il 2019-cu il sayılırdı:
“Azərbaycan turizmi bütün göstəricilərinə görə demək olar ki, 2019-u təkrarlayır. Ölkəyə gələn turist sayında azalma olsa da, turizmdən gəlirlər, sektorda iş yeri ilə təmin olunma, valyuta axını və s. demək olar ki, rekord ili ilə eyni səviyyədədir.
Azərbaycanda xidmət sahəsi ilə bağlı ciddi problem yoxdur. İşçi qüvvəsi də kifayət qədərədir və turizm sektorunda işçilərin sayı ildən ilə artır, yeni iş yerləri açılır”.
