ain.az, Bizimyol saytına istinadən bildirir.
İran prezidenti Məsud Pezeşkian deyib ki, Tehran müharibəyə can atmır, lakin bu ölkə İsrail və ya ABŞ-ın hücumu halında “həlledici müqavimət” göstərməyə hazırdır.
Bizimyol.info xəbər verir ki, o bu barədə mətbuata müsahibəsində deyib.
"Amerika və İsrail İranı parçalamaq və məhv etmək istəyir, lakin heç bir iranlı bunu istəmir. Biz döyüşmək istəmirik, amma müharibədən qorxmuruq", - deyə Pezeşkian vurğulayıb.
O, əlavə edib ki, “inqilabın ilk günlərindən düşmənlər sui-qəsdlər, çevrilişlər və ölkənin parçalanmasına can atıblar”, lakin respublika öz düşmənlərinə qarşı “möhkəm dayanıb”.
Pezeşkian həmçinin "Avropa üçlüyü"nün nüvə proqramı ilə əlaqədar İrana qarşı sanksiyaların geri qaytarılması mexanizmini bərpa etmək üçün 30 günlük prosesə başlamaq barədə atdığı son addımları müzakirə edib. O, müsahibəsində bildirib ki, Avropanın İrana qarşı iddiaları “hüquqi baxımdan əsassızdır”. Pezeşkianın sözlərinə görə, İran “snapback”i aktivləşdirməyə çalışmır və bunun qarşısını almaq üçün hər cür səy göstərib”.
Xatırladaq ki, “Avropa üçlüyü” ölkələri BMT-nin iclasında İranın üç tələbi yerinə yetirməsi şərti ilə sanksiyaların qaytarılmasını altı ay müddətinə təxirə salmağı təklif etmişdilər: BAEA müfəttişlərinin çıxışının bərpası, zənginləşdirilmiş uran ehtiyatları ilə bağlı məsələlərin həlli və ABŞ-la danışıqlara başlamaq.
Lakin İranın BMT-dəki daimi nümayəndəsi Əmir Səid İrəvani bu təklifi “qeyri-real ilkin şərtlərlə dolu” olduğunu bildirərək rədd edib.
Bunun əvəzinə, onun sözlərinə görə, Qərb ölkələri İranın nüvə proqramını məhdudlaşdırmaq müqabilində BMT və Qərbin sanksiyalarını ləğv edən 2015-ci il nüvə sazişini təsbit edən “2231 saylı qətnamənin qısamüddətli, qeyd-şərtsiz uzadılmasını” qəbul etməlidir.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
