.jpg)
BAKI, 30 avqust. TELEQRAF
"Bundan sonra səfər oyunlarına avtobusla deyil, Rəcəb Tayyib Ərdoğanın hədiyyə etdiyi təyyarə ilə gedəcəyik".
Bunu Teleqraf-a açıqlamasında Türkiyənin “Yüksekovaspor” komandasının azərbaycanlı futbolçusu Vüsalə Seyfəddinova Türkiyə Prezidenti Rəcəb Tayyib Ərdoğanla görüşü barədə danışarkən deyib.
O, Prezidentlə görüşün səmimi keçdiyini söyləyib: "O, bizə çox önəmli jest etdi. Cənab Prezident bizi gözlədiyimdən daha xoş qarşıladı və sonda komandanın hər bir üzvünə saat hədiyyə etdi".
Qeyd edək ki, Rəcəb Tayyib Ərdoğan "Yüksekovaspor"un Superliqaya vəsiqə qazanması münasibəti ilə komanda üzvləri ilə görüşüb.
