Çexiyanın Krkonoše dağlarında gəzintiyə çıxan bir neçə turist təsadüfən inanılmaz tapıntı ilə qarşılaşıb.
News24.az xəbər verir ki, onlar qayaların arasında parıldayan metalı görüb çıxardıqlarında 7 kiloqramlıq ağır alüminium qab tapıblar.
Turistlər ehtiyat göstərərək qabı özləri açmayıb, Şərqi Bohemiya Muzeyinə təhvil veriblər. Əvvəlcə mütəxəssislər əşyanın ciddi dəyəri olmadığını düşünsələr də, qab açıldıqda içərisindən əsl xəzinə çıxıb.
Sandığın içində 600-ə yaxın qızıl sikkə, onlarla bilərzik, siqaret qutuları, zinət əşyaları və möhürlənmiş qutu aşkarlanıb. Ümumi çəkisi 7 kiloqram olan tapıntının 3,7 kiloqramını yalnız qızıl təşkil edir. Təkcə metalın dəyəri yüz minlərlə dollarla ölçülür, tarixi əhəmiyyəti isə daha da böyükdür.
Adlarının açıqlanmasını istəməyən turistlər qanunla xəzinənin dəyərinin 10 faizinə qədər mükafat alacaqlar. Muzey mütəxəssisləri isə artıq 80 ildən çox gizli qalan bu xəzinəni ətraflı öyrənməyə başlayıblar.
Aqil
