Rusiya ABŞ və Qərb ölkələrinin Ukraynaya göndərdiyi hərbi yüklərin hərəkət marşrutlarını izləmək üçün kəşfiyyat dronlarından istifadə edir.
Bu barədə “The New York Times” nəşri məlumat yayıb.
Nəşrin ABŞ və Avropa rəsmilərindən əldə etdiyi məlumatlara görə, toplanan bilgilər FSB tərəfindən həm Ukraynadakı əməliyyatlarda, həm də NATO ölkələrinə qarşı diversiya planlarında istifadə olunur.
Son vaxtlar həyata keçirilən diversiya əməliyyatlarına Böyük Britaniyada anbarlarda törədilən yanğınlar, Norveçdə bəndə hücum, Baltik dənizində kabel xətlərini kəsməyə cəhdlər və digər gizli fəaliyyətlər daxildir.
Məlumatda qeyd olunur ki, may ayında üç ukraynalı agent həbs edilib. Onların Almaniya üzərindən keçən yük təyyarələrinə partlayıcı və ya yandırıcı qurğu yerləşdirmək tapşırığı aldığı bildirilir. Bu plan ABŞ Mərkəzi Kəşfiyyat İdarəsi (CIA) tərəfindən ifşa olunub və Almaniya kəşfiyyatı BND xəbərdar edilib.
Musavat.com
