Mütəxəssislər dərmanların soyuducuya qoyulmasının ziyanları ilə bağlı xəbərdarlıq edirlər.
Publika.az xəbər verir ki, Türkiyədə Bütün Əczaçı İşəgötürənlər Həmkarlar İttifaqının (TEİS) sədri Nurten Saydanın sözlərinə görə, dərmanlar həddindən artıq rütubətli yerlərdə saxlanmamalıdır.
"Dərmanlar isti havalarda həddindən artıq rütubətli və ya temperatur dəyişikliyinə məruz qalan yerlərdə, məsələn, soyuducu və ya vanna otağında saxlanmamalıdır. Rütubət və dəyişən temperatur dərmanın xüsusiyyətlərinə təsir göstərə bilər. Dərmanlar tövsiyə olunan saxlama diapazonundan kənar temperaturlara məruz qaldıqda, effektivliyini itirir. Onlar sərin, quru və günəş işığından qorunan bir şkafda saxlanmalıdır”, - Saydan qeyd edib.
Onun sözlərinə görə, bəzi dərmanlar, məsələn, insulin, maye antibiotiklər və göz damcıları soyuq saxlama tələb edir. İnsulin iynələri və qələmləri soyuducuda 3-4 dərəcə Selsi temperaturunda saxlanmalıdır.
