ain.az bildirir, Yeniavaz saytına əsaslanaraq.
Bu il ən çox qazanc əldə edən milyarderlərin siyahısına texnologiya nəhəngləri rəhbərlik edir.
Yeniavaz.com “Bloomberg”ə istinadən xəbər verir ki, ilk onluqda əsasən ABŞ-dən olan iş adamları üstünlük təşkil edir.
İlin ən çox qazananı “Oracle” şirkətinin həmtəsisçisi Larri Ellison olub. Onun sərvəti 86,1 milyard dollar artaraq 278 milyard dollara çatıb. Siyahının ikinci pilləsində “Meta”nın rəhbəri Mark Zukerberq qərarlaşıb. O, 52,3 milyard dollar əlavə qazancla ümumi sərvətini 260 milyard dollara yüksəldib.
Üçüncü yerdə “Nvidia”nın rəhbəri Censen Huanq dayanır. O, il ərzində 37,2 milyard dollar qazanaraq sərvətini 152 milyard dollara çatdırıb. Dördüncü pillədə isə “Microsoft”un sabiq baş direktoru Stiv Ballmer var. Onun sərvəti 27,6 milyard dollar artaraq 174 milyard dollara yüksəlib.
Meksikalı milyarder Karlos Slim də siyahıya daxil olub. “America Movil” və “Grupo Carso” vasitəsilə sərvətini 25 milyard dollar artıraraq 104 milyard dollara çatdırıb. Fransadan olan və “L’Oreal”ın varisi Fransuaz Bettankur Meyers bu il 23,9 milyard dollar qazanaraq sərvətini 98,3 milyard dollara yüksəldib.
Amerikalı iş adamı, “Interactive Brokers”in qurucusu Tomas Petervi sərvətinə 21,5 milyard dollar əlavə edib və ümumi sərvəti 74,6 milyard dollara çatıb. Daha sonra “Alphabet”in həmtəsisçisi Larri Peyc gəlir. O, il ərzində 21 milyard dollar qazanaraq sərvətini 189 milyard dollara yüksəldib.
Çindən olan “Nongfu Spring” və “Wantai” şirkətlərinin sahibi Çunq Şanşan sərvətini 19,3 milyard dollar artıraraq 74,3 milyard dollara çatdırıb. İlk onluğu isə “Alphabet”in digər həmtəsisçisi Sergey Brin tamamlayır. O, bu il 19 milyard dollar əlavə qazancla sərvətini 177 milyard dollara yüksəldib.
“Bloomberg”in reytinqinə görə, 2025-ci ildə ən çox qazanc əldə edən milyarderlərin əksəriyyəti texnologiya sahəsində fəaliyyət göstərib.
Daha ətraflı məlumat və yeniliklər üçün ain.az saytını izləyin.
