BAKI, 30 avqust. TELEQRAF
Avropa İttifaqı (Aİ) xarici işlər nazirlərinin Kopenhagen görüşü onların Ukraynada hərbi münaqişəni uzun müddət davam etdirmək niyyətinin göstəricisidir.
Teleqraf xəbər verir ki, bunu Macarıstanın xarici işlər naziri Peter Siyarto deyib.
"Xarici işlər nazirlərinin bugünkü görüşü açıq-aydın göstərdi ki, Brüssel və Aİ-yə üzv ölkələrin böyük bir hissəsi müharibənin uzunmüddətli davam etdirilməsinə hazırlaşır. Brüssel və Aİ ölkələrinin əksəriyyəti sülh prosesinin uğurunda maraqlı olmaya bilər", - Siyarto macar jurnalistlərə müsahibəsində bildirib.
Nazir qeyd edib ki, Brüssel və Avropa İttifaqına üzv ölkələrin əksəriyyəti Ukraynaya silah almaq və Ukrayna ordusunu saxlamaq üçün Avropa xalqının vəsaitindən daha 10 milyard avro göndərməyə hazırdır: "Onlar Ukrayna əsgərlərinə maaş vermək, ukraynalılar üçün pilotsuz təyyarələr almaq və Ukrayna dövlətini idarə etmək üçün on milyardlarla avro xərcləmək istəyirlər. Aİ-nin dondurulmuş Rusiya aktivlərinin bu xərcləri ödəmək üçün istifadə edilib-edilməməsi ilə bağlı vahid rəyi yoxdur, ona görə də Brüsselin nöqteyi-nəzərindən Ukrayna Aİ büdcəsindən maliyyələşdirilməlidir".
